ಪ್ರೀತಿಯ ಕಂಪು ಹರಡಿದ
ಹುಡುಗಿಯ ನೋಡುವ ತವಕದಿ
ದಿನಗಳೇ ವರುಷಗಳಾಗುತ್ತಿವೆಯೇನೋ
ನಿಮಿಷಗಳು ದಿನಗಳಾಗುಗತ್ತಿವೆಯೇನೋ..
ಬದುಕಿನ ಪುಟಗಳು ಮಾಸುತಿವೆ
ಕಾಲೆಳೆಯುತ್ತಾ ಸಾಗುತಿದೆ ಒಂಟಿ ಜೀವನ…
ಮೊದಲ ಭೇಟಿಯ ಸಾಲು ನೆನಪುಗಳ ಮೆರವಣಿಗೆ
ತುಂಬುತಿವೆ ಒಂಟಿ ಪಯಣದಲೊಂದಿಷ್ಟು ಲವಲವಿಕೆ
ಜೀವನೋತ್ಸಾಹ ಪುಟಿಯಲು ಇನ್ನೇನು ಬೇಕು ?
ಅನ್ನೋ ಮಾತೇ ಇಲ್ಲ ಇಲ್ಲಿ…
ಸಮಸ್ಯೆಗಳೇ ಅಲ್ಲದ ಸಮಸ್ಯೆಗಳದ್ದೇ ಕಾರುಬಾರು
ಏನೇನೋ ನಿರೀಕ್ಷೆಗಳು ಕಾಡುತಿವೆ ಎಲ್ಲರನೂ
ಮಾತಿನ ನಡುವೆ ಹೃದಯ ವೀಣೆ
ಮೀಟಿದರೂ ಕೇಳದು ಪ್ರೇಮರಾಗ…
ಪ್ರೇಮ ಪಲ್ಲವಿ ಹಾಡುತಿದ್ದರೂ
ಹೊರುಡುವುದು ಆಗಾಗ ಮೌನ ರಾಗ…
